TANLAB - TANLAB TENGINGIZNI TOPDINGIZMI?!

Tirik-Tasvir, Tushingizni Topdinggizmi,
Tahtda Turib Tojingizni Topdinggizmi,
Tillo To`la Tog`ingizni Topdinggizmi,
Tarozi-yu Toshingizni Topdinggizmi,
Tundan Tonib Tonginggizni Topdinggizmi,
Tanlab-Tanlab Tenginggizni Topdinggizmi?

To`g`rimidi, Tushlardagi Ta`birimiz,
Tutashmadi Taqdirimiz, Taqdirimiz,
Talvasami, Tashvishmidi, Tadbirimiz,
Toqat Tilab Teshildiku Tomirimiz,
Tirik-Tasvir, Tushingizni Topdinggizmi,
Tanlab-Tanlab Tenginggizni Topdinggizmi?

Tovonimga Tikan Tiqib Tilmangiz-ey,
To`htamayin Tirnab-Tirnab Tig`langiz-ey,
Toza-Toza Tilaklarim Tinglangiz-ey,
Tuzoq Tashlab, To`htatmangiz, To`smangiz-ey,
Tahtda Turib Tojingizni Topdinggizmi,
Tanlab-Tanlab Tenginggizni Topdinggizmi?

Tasodifan Tanishgandik Telba-Telba,
Topishdigu, Tillashmadik Tavba-Tavba,
Tiniq-Tiniq Tunlarimiz Tiyra-Tiyra,
Talaffuzlar Talablarga Tashna-Tashna,
Tillo To`la Tog`ingizni Topdinggizmi,
Tanlab-Tanlab Tenginggizni Topdinggizmi?

Taftinggizga To`yib-To`yib Turolmadim,
Toqatim Toq, Tanxoimni Topolmadim,
Tilni Tishlab, Tomog`imni Tishlolmadim,
Tuyg`ularni Taroziga Tashlolmadim,
Taroziyu Toshingizni Topdinggizmi,
Tanlab-Tanlab Tenginggizni Topdinggizmi?

Tentakkinam, To`rt Tomonga Tuzoq Tuzib,
To`kilmangiz, Tizginimga Tugun Tizib,
Tirishasiz, To`fonlardek To`sib-To`sib,
Termulasiz � To`zonlarda To`zib-To`zib,
Tundan Tonib Tonginggizni Topdinggizmi,
Tanlab-Tanlab Tenginggizni Topdinggizmi?

( Ahad Qayum )