Garchi hasratlarda g'amgin bo'lsam ham,
Garchi omad kulib baxtga to'lsam ham.
Bugun tirikman-u, erta o'lsam ham,
Men sizni sevaman, sizni sevaman!

Garchi Sirdaryoga sig'masa yoshim,
Nogoh ajal egsa tiriklik boshim.
Shunda ham bilingiz ey qalam qoshim,
Men sizni sevaman, sizni sevaman!

Garchi osmonimdan oftob ketsa ham,
Armon dil qasrimni harob etsa ham.
Ey, mening dunyoda yagonam, erkam,
Men sizni sevaman, sizni sevaman!