Slot bo‘lib o‘tishi kerak bo‘lgan matbuot anjumanini bekor qildi

Mish-mishlarga ko‘ra, Arne Slot "Liverpul"ni tark etishi aniq bo‘lgan Yurgen Klopp o‘rniga asosiy nomzodga aylangan.

"Feyenoord"ning amaldagi murabbiyi chorshanba kuni bo‘lib o‘tgan matbuot anjumanida jurnalistlar oldida chiqish qilishi kerak edi, ammo tadbir bekor qilindi.

BBC ushbu faktga e’tibor qaratdi. Slotning matbuot anjumani nima uchun bekor qilingani aniq emas. Biroq bu fakt niderlandiyalik mutaxassisning "Liverpul"ga o‘tishi mumkinligi haqidagi mish-mishlarni kuchaytirmoqda.

Eslatib o‘tamiz, Yurgen Klopp yanvar oyida 2023/2024 yilgi mavsum oxirida "Liverpul"ni tark etish qarorini e’lon qilgan edi.

Joylangan vaqt : (24 Aprel 2024 в 22:30)
Manba: www.stadion.uz