Tush.UZ - Tushlar tabiri"Manchester Yunayted" bosh murabbiyi Erik ten Xag klubdagi ikki mavsumidagi muvaffaqiyatlariga baho berdi.
"Qizil iblislar" 2023/24 yilgi Premyer-ligada sakkizinchi o‘rinni egalladi, ammo shanba kuni Angliya kubogi finalida "Manchester Siti"ni mag‘lub etishsa, yana kubokni qo‘lga kiritishi mumkin. O‘tgan mavsumda "Manchester Yunayted" Angliya kubogi finalida "shaharliklar"ga mag‘lub bo‘lganini, ammo "Nyukasl"ni mag‘lub etib, Liga kubogini qo‘lga kiritganini eslashimiz mumkin.
“Ha, menimcha, shanba kungi g‘alaba ko‘p narsani o‘zgartiradi – biz yana bir sovrin yutib, yevrokuboklarga chiqishimiz mumkin. Ikki mavsumda uchta final o‘ynash - bu ajoyib natija, chunki men kelganimda klub yaxshi holatda emas edi. Joriy mavsum jarohatlar tufayli dahshatli o‘tgan bo‘lsada, sezilarli darajada o‘sishga erishdik. Yozda biz vaziyatni o‘zgartirish uchun chora ko‘rishimiz kerak", - deya ten Xagning so‘zlarini keltiradi United Stand.