"Bayer" ikki oy ichida birinchi o‘yinida Germaniyaning uchinchi divizion klubini mag‘lub etdi

Germaniya chempioni “Bayer” juma oqshomida o‘rtoqlik uchrashuvi o‘tkazdi. “Dorichilar”ning raqibi Germaniya uchinchi divizioni “Rot-Vayss Essen” klubi bo‘ldi.

Uchrashuv 2:1 hisobida "Bayer" foydasiga hal bo‘ldi. Leverkuzenliklarning gollariga Natan Tella va Patrik Shik mualliflik qilishdi.

E’tibor bering, bu o‘yin "Bayer" uchun ikki oydan ko‘proq vaqt ichida birinchi bo‘ldi. Xabi Alonso shogirdlari oxirgi marta 25 may kuni Germaniya kubogi uchun “Kayzerslautern” bilan o‘yinda maydonga tushgandi.

"Bayer"ning yangi futbol mavsumi 17 avgust kuni Germaniya Superkubogi uchun "Shtutgart"ga qarshi o‘yinda boshlanadi.

Joylangan vaqt : (27 Iyul 2024 в 06:30)
Manba: www.stadion.uz