Ikki karra Olimpiya chempioni: "Olimpiadani tomosha qilmayman"

Suzish bo‘yicha ikki karra Olimpiya chempioni Yevgeniy Rilov joriy Olimpiya o‘yinlarini tomosha qilmoqchi emasligini aytdi.

"Olimpiadani tomosha qilamanmi? Yo‘q. Men faqat natijalarga qarayman, hammasi shu. Barcha natijalarni avvalgilari bilan solishtiraman", - deya Rilovning so‘zlarini keltiradi Match TV.

Olimpiya o‘yinlari 26 iyuldan 11 avgustgacha bo‘lib o‘tadi.

Parij Olimpiadasida rossiyalik sportchilarga neytral maqomda ishtirok etishga ruxsat berildi. Avvalroq rossiyalik jurnalistlarga Parijdagi Olimpiya o‘yinlarini yoritish taqiqlanishi ma’lum bo‘lgan edi. Bu haqda Fransiya ichki ishlar vaziri Jerald Darmanin ma’lum qilgan.

Joylangan vaqt : (27 Iyul 2024 в 13:00)
Manba: www.stadion.uz