Tush.UZ - Tushlar tabiriSuperliga 18-turidan o‘rin olgan «Dinamo» — «Bunyodkor» bellashuvi reja bo‘yicha 15 sentyabr — yakshanba kuni bo‘lib o‘tishi lozim edi. Shu kuni shaharga yuqori martabali mehmonlar tashrifi rejalashtirilganidan kelib chiqib, uchrashuv 14 sentyabr — shanba kuniga ko‘chirildi. O‘yin vaqti o‘zgarishsiz qoldi — 19:30.
14 sentyabr kuni mamlakatimizda futzal bo‘yicha jahon chempionati start oladi. «Sport» telekanali o‘z dasturlarini mundialga moslab chiqqan. Shu sabab «Dinamo» — «Bunyodkor» bellashuvini efirga uzatishda muammo yuzaga keladi. Telekanal bilan o‘yinni Liganing rasmiy «YouTube» sahifasiga jonli uzatish kelishilgan. Ayni vaqtda uning Samarqand televideniyesi orqali ham efirga olib chiqish masalasi ustida ishlanmoqda.