Parij “Katta Dubulg‘a” turniriga otlangan dzyudochilarimizga oq yo‘l tilandi

Xabaringiz bor, 1-2-fevral kunlari Fransiya poytaxti Parij shahrida “Katta Dubulg‘a” turkumiga kiruvchi 2025-yilning ilk musobaqasi o‘tkaziladi.

Mukofot jamg‘armasi 154 000 yevroni tashkil etuvchi ushbu turnirda uch nafar dzyudochimiz o‘z mahoratini namoyish etadi.

So‘nggi Olimpiada manzili tatamilarida Bahrom Boturov (-60 kg), Shahram Ahadov (-73 kg) va O‘tkirbek To‘raboyev (+100 kg) medallar uchun bahs olib boradi.

O‘zbekiston dzyudo federasiyasida Iskandar Rasulov murabbiyligida safarga otlanayotgan dzyudochilarimiz bilan davra suhbati bo‘lib o‘tdi. Federasiya Bosh kotibi Aziz Sobirov hamda federasiya raisi maslahatchisi Ksenya Gulyamova terma jamoamiz a’zolariga Parij turnirida g‘alaba va omad yor bo‘lishini tilashdi.

O‘z o‘rnida dzyudochilarimiz nufuzli musobaqada bildirilgan ishonchni oqlash uchun astoydil harakat qilishlarini aytishdi.


Joylangan vaqt : (30 Yanvar 2025 в 12:30)
Manba: www.stadion.uz
Tavsiya qilamiz
. Яндекс.Метрика