PSV yarim himoyachisi Joi Verman Chempionlar ligasining so‘nggi turida “Liverpul” ustidan qozonilgan g‘alabadan so‘ng jurnalistlar bilan suhbatlashdi. Uchrashuv 3:2 hisobida yakunlandi.
"Bizning raqibimiz "Yuventus" yoki "Feyenoord" bo‘lishi mumkin. Oldinroq turinliklarga yutqazib qo‘ygandik, shuning uchun ham revansh olmoqchimiz. Agar bu "Feenoord" bo‘lsa, bu ham g‘alati, ham yaxshi bo‘ladi", - deydi yarim himoyachi.
Chempionlar ligasining umumiy bosqichi yakunlariga ko‘ra, PSV 14 ochko bilan turnir jadvalida 14-o‘rinni egalladi. Klubning raqibi 31 yanvar kuni bo‘lib o‘tadigan qur’a tashlash marosimida aniqlanadi.