"Napoli" Garnachoni sotib olish fikridan qaytmayapti

"Napoli" "Manchester Yunayted" vingeri Alexandro Garnachoni sotib olish fikridan qaytgani yo‘q.

Italiya klubi yanvar oyi boshidan beri argentinalik futbolchi bilan muzokaralar olib borayotgandi, biroq ular "qizil iblislar" bilan kelishuvning moliyaviy shartlari bo‘yicha murosaga kela olishmadi. Insayder Fabrisio Romanoning so‘zlariga ko‘ra, yaqinda "Napoli" Garnacho vakillariga murojaat qilib, agar "Manchester Yunayted" o‘z talablarini kamaytirsa, muzokaralarni davom ettirishga tayyorligini bildirgan. Ingliz gigantlarining rejalari noaniqligicha qolmoqda.

Alexandro Garnachoning «Transfermarkt» portalidagi narxi 50 million yevro. 20 yoshli futbolchini sotib olishga Londonning "Chelsi" klubi ham qiziqish bildirmoqda.


Joylangan vaqt : (30 Yanvar 2025 в 19:00)
Manba: www.stadion.uz
Tavsiya qilamiz
. Яндекс.Метрика