Tush.UZ - Tushlar tabiriHindiston futbol federatsiyasi Rossiya futbol ittifoqi bilan 2025-yilda milliy terma jamoalar o‘rtasida o‘rtoqlik o‘yini o‘tkazish bo‘yicha muzokaralar olib borishga tayyor.
“Hindiston va Rossiyaning asosiy jamoalari o‘rtasidagi o‘rtoqlik o‘yiniga kelsak, biz Hindiston chempionati va 2025-yil mart oyidan FIFA kunlari o‘tkaziladigan 2027-yilgi Osiyo Kubogiga saralash o‘yinlari sabab 2025-yilning mayigacha o‘rtoqlik o‘yinlarini belgilay olmaymiz. 2027-yilgi Osiyo Kubogi final bosqichiga qur’a tashlash va keyingi o‘yinlar taqvimidan kelib chiqib, milliy terma jamoalar o‘rtasidagi o‘yinni o‘tkazish imkoniyatini intiqlik bilan kutamiz”, deydi ismini oshkor etmagan Hindiston futbol federatsiyasi matbuot xizmati a’zosi.Oktyabr oyidagi FIFA tanaffusida Rossiya terma jamoasi Pokiston termasi bilan o‘ynashi kerak edi, biroq raqib o‘rtoqlik uchrashuvidan bosh tortdi. Natijada Valeriy Karpin shogirdlari yig‘inni o‘yinsiz o‘tkazdi.
Ma’lumot uchun, 2022-yilning fevral oyidan boshlab FIFA va UEFA qarori bilan Ukrainadagi vaziyat tufayli Rossiyaning barcha terma jamoalari va klublari xalqaro turnirlardan chetlashtirildi. Shu tariqa Rossiya erkaklar terma jamoasi Qatardagi jahon chempionati va Germaniyada bo‘lib o‘tgan Yevropa chempionatini o‘tkazib yubordi.