Amerikalik erkak 1930-yillar uslubidagi poyga rodsterini mustaqil yasadi (video)

YouTube’dagi Barcroft Cars kanalida Indy 500 seriyasidagi dastlabki poygalar ishtirokchilari uslubiga xos poyga mashinasini mustaqil yasagani tasvirlangan qahramon videosi e’lon qilindi. Dutchie nomini olgan rodster asosini po‘lat rom tashkil etadi, dvigateli esa 1930-yillardagi sakkiz silindrliga mos keladi, deb xabar beradi Motor.

Avtomobil original kuch agregati atrofida yig‘ilgan va tashqi ko‘rinishi bilan Indy 500 seriyasidagi birinchi poyga avtomobillari, xususan, Duesenberg 1921 GP’ga o‘xshab ketadi.

Konstruktiv jihatdan mashina ancha sodda ko‘rinishga ega: rom, karkas va tashqi panellar, aftidan barchasi qo‘lda ishlangan. Mashina garajda xuddi 70 yil saqlangandek ko‘rinishi uchun uning karkasidagi bo‘yoqlar ataylab o‘chirib tashlangan.

E’tiborga molik detallari — o‘rta asrlardagi ritserlar shlemi uslubida ishlangan old qismi va qanotli tumshug‘i.

Bundan oldin, Jek Li ismli mexanik o‘zining Facebook’dagi sahifasi orqali Gran Turismo 6 o‘yinidagi Bugatti Vision GT giperkari nusxasini yaratish jarayoni tasvirlangan rolik bilan bo‘lishgandi.