AQSHda dunyodagi eng qimmat avtomobil raqami 24 mln dollarga baholandi

AQSHda dunyodagi eng qimmat avtomobil raqami sotuvga qo‘yildi: unda MM harfi va Kaliforniya shtatiga tegishli ekanini bildiruvchi yozuv qo‘yilgan xolos. Sotuvchining so‘zlariga ko‘ra, “tablichka” hashamatli Mercedes-Maybach’ning o‘ziga xos usulini ideal darajada o‘zida ifoda etadi. Noyob avtomobil raqami 24,3 million dollarga baholanmoqda, deb xabar beradi Motor.

Bundan oldingi dunyodagi eng qimmat avtomobil raqami — 1 BAAda 14 million dollarga sotilgandi. “Chiroyli” avtoraqamni 2008-yilda biznesmen Said Abdul G‘affor Kuri qo‘lga kiritgan. Agarda savdo amalga oshsa, Kaliforniyadaga tegishli avtomobil raqami rekord qiymatni qariyb ikki barobarga yangilashi mumkin.

Eksklyuziv raqamlar savdosi bilan shug‘ullanuvchi The Plate Broker kompaniyasi rahbari Maykl Modekining ta’kidlashicha, MM literasi Mercedes-Maybach avtomobillariga o‘rnatish uchun ideal ravishda mos keladi. Shu sababli mutaxassis aynan ushbu avtomobil egalarini potensial xaridorlar sifatida qaramoqda.

Biroq hozirga qadar ro‘yxatga olish raqami uchun buncha mablag‘ sarflaydigan birorta mijoz topilmagan.

Eslatib o‘tamiz, 2021-yilning mayida Birlashgan Arab Amirliklarida o‘tkazilgan xayriya kechasida AA9 davlat raqami 10 million dollardan qimmatroqqa sotilgandi.