Tush.UZ - Tushlar tabiriGollandiya kompaniyasi shu yil oxirida mijozlarga dunyodagi birinchi quyosh avtomobilini yetkazib berishni boshlaydi, bu orqali yozda bir necha oy zaryadsiz mashina haydash mumkin bo‘ladi. Bu haqda Bloomberg xabar berdi.
Lightyear — 2016-yilda Niderlandiyada tashkil etilgan kompaniya. Hozirda u avtomobil kapoti va tomi bo‘ylab egri quyosh panellari o‘rnatilgan 949 ta modelni ishlab chiqarmoqda.
Quyoshdan olinadigan quvvat kuniga 70 kilometr (43 milya) masofani bosib o‘tishga imkon beradi.
Elektromobillar — bu to‘g‘ri yo‘nalishdagi qadam, lekin ular hali ham asosan qazib olinadigan energiyaga bog‘liq bo‘lgan elektr tarmog‘iga qaram, — dedi bosh ijrochi direktor Leks Xyofsloot 250 ming yevro (265 ming dollar) turadigan Lightyear 0 modelining taqdimotida.
Unga ko‘ra, Lightyear 0 modeli quyosh paneli orqali har doim zaryadga ega bo‘lishga va kamroq quvvatlantirishga imkon beradi.
Kompaniyaning ta’kidlashicha, Valmet Automotive tomonidan Finlyandiyada ishlab chiqariladigan avtomobil yozda Amsterdamda ikki oy, Portugaliyada esa yetti oygacha quvvat olmasdan haydash imkonini beradi.
Lightyear 60 kilovatt-soatlik akkumulyatorning bir marta quvvatlanishi bilan 700 kilometrdan ortiq masofani bosib o‘tadi.
Lightyear 0 ning kichik ishlab chiqarish seriyasidan so‘ng kompaniya 30 ming yevrolik boshlang‘ich bahoda yanada arzonroq modelni ishlab chiqarishni rejalashtirmoqda. Jarayon 2024-yil oxiri yoki 2025-yilda boshlanishi rejalashtirilgan.
Avvalroq “O‘zavtosanoat” va BYD ilk elektromobilni qachon ishlab chiqarishi mumkinligi ma’lum bo‘lgan edi.