Britaniyada Mercedes-AMG GT Black Series yarim milliondan qimmatroq narxda sotuvga qo‘yildi (foto)

Britaniyaning Romans International firmasi ekstremal Mercedes-Benz — Mercedes-AMG GT Black Series kupesini sotuvga qo‘ydi. 1,4 ming kilometr yo‘l bosgan superkar 445 ming funtga (558 ming dollar) baholanmoqda, deb xabar beradi Motor.

Mercedes-AMG GT Black Series original M178 “biturbosakkizlik” bilan jihozlangan. Motor 730 ot kuchi va 800 Nm aylanuvchi momentni taqdim etishga qodir. Kupe soatiga 100 kilometr tezlikka 3,2 soniyada erishadi. Org‘a g‘ildirak tortuvchi kuchi AMG Speedshift DCT 7G “roboti” orqali o‘tadi, uzatmalar qutisi ustunlari birinchi marta uglerod tolani o‘rash usuli orqali yasalgan.

GT Black Series’ning to‘liq potensialini moslashuvchan amortizatorlar va poyga avtomobillar darajasidagi aerodinamik qayta ishlovlar natijasida namoyish eta oladi.

Sotuvga qo‘yilgan superkar nusxasi 2022-yilda ishlab chiqarilgan. Mashinaga elektron boshqariluvchi differensial, uglerod-keramik tormoz, AMG Track Pace kompleks telemetriyasi, shuningdek, Burmester audiotizimi o‘rnatilgan.

Bundan tashqari, Obsidian Black qora “metallika” rangi buyurtma qilingan, muzovi “xira plyonka” bilan qoplangan turli o‘lchamli g‘ildiraklar “kiygizilgan”.

Avvalroq Mercedes-Benz dizayneri tilla, titan va buyvol shoxidan Maybach ko‘zoynaklarini yaratgani, Mercedes dunyo bo‘ylab qariyb 1 mln avtomobilni chaqirib olishi, Mercedes-AMG bolalar uchun mo‘ljallangan aravachani sotuvga chiqarashi to‘g‘risida xabar berilgandi.