BMW kompaniyasi yangi X1 va uning “ekologik” versiyasini namoyish etdi (foto)

BMW kompaniyasi ixcham BMW X1 ning krossoverining uchinchi avlodi va iX1 elektroversiyasini taqdim etdi, deb xabar beradi Motor1.

Uchinchi avlod BMW X1 oldingi “siluet”ini saqlab qolgan, biroq vertikal chiziqli katta radiator panjarasi, 3-Series uslubidagi yangi optika va ko‘rinishi o‘zgargan bamberlarga ega bo‘lgan. Standart faralari — yorug‘lik diodli, qo‘shimcha pul evaziga matritsali projektorlarni o‘rnatish mumkin.

Yangi mashina saloni ko‘plab o‘zgarishlarga uchragan, ikkita ekranli yagona panelga ega bo‘lgan. Qurilmalar panelining diagonali 10,25 dyuymni, mediatizimniki esa 10,7 dyuymni tashkil etadi. Iqlim-nazoratni boshqarish tizimi ekranga ko‘chirilgan, oddiy tugmalar deyarli qolmagan.

Krossover o‘zidan oldingi versiyadan 65 kilogrammga og‘irlashgan: bazaviy versiyaning og‘irligi — 1500 kilogramm. Oldingi avlod bilan taqqoslaganda aerodinamik qarshilik koeffitsiyenti 0,28 dan 0,26 ga qadar tushirilgan. Yukxona sig‘imi 540 litr.

Mashina xaridorlarga oltita modifikatsiyada taklif etiladi:

• 136 ot kuchiga ega 1,5 litrli turbouchlikka ega old uzatmali benzinda harakatlanuvchi sDrive18i;
• 150 ot kuchiga ega 2,0 litrli to‘rt silindrli motorga ega old uzatmali benzinda harakatlanuvchi sDrive18d;
• 204 ot kuchiga ega to‘liq uzatmali benzinda harakatlanuvchi xDrive23i;
• 197 ot kuchiga ega to‘liq uzatmali dizelda harakatlanuvchi xDrive23d;
• 136 ot kuchili benzinli turbouchlik va 109 ot kuchili elektromotorga ega gibrid xDrive25e;
• 150 ot kuchili benzinli turbouchlik va 177 ot kuchili elektromotorga ega gibrid xDrive30e.

Yangi BMW X1 ning barcha versiyalariga yetti pog‘onali robot uzatmalar qutisi o‘rnatilgan.

Savdolar oktabrdan boshlanadi, gibrid va elektromobil versiyalari esa bozorga keyinroq chiqadi. Modellar narxi hozircha oshkor etilmagan.