Mercedes-AMG bolalar uchun mo‘ljallangan aravachani sotuvga chiqaradi

Mercedes-AMG bo‘linmasi Hartan brendi bilan hamkorlikda bolalar uchun mo‘ljallangan premium aravachani taqdim etdi.

Aravacha va u bilan bitta jamlanmadan o‘rin olgan sumka qizil naqshlarga ega tabiiy qora charmdan ishlangan. Ularning ichki qismi Mercedes-AMG sportkarlari o‘rindiqlarini tayyorlashda foydalaniladigan Dinamica mikrotolalari bilan qoplangan. Aravachani ko‘plab AMG logotiplari bezab turadi va unga AMG Limited Edition yozuvi tushirilgan cheklangan seriyadagi “tablichka” ilinadi.

Mercedes muhandislar aravachaga moslashuvchan g‘ildirak va “podveska” o‘rnatgani sabab, kompaniya vakillarining so‘zlariga ko‘ra, ota-onalar uni “istalgan yuzada” sudray oladi. Mercedes-AMG GT modelining g‘ildiraklar diskasi dizayni markaning haqiqiy avtomobili g‘ildiragi kabidir. Aravachaning asosini alyuminiyli rom tashkil etadi, ko‘p nuqtali xavfsizlik kamari mavjud va transformatsiya uchun ko‘plab imkoniyatlar bor.

Mercedes-AMG GT aravachalari 299 nusxada ishlab chiqariladi, ularning narxi hozircha oshkor etilmagan.

Avvalroq Mercedes-Benz dunyodagi eng qimmat avtomobilini yashirin ravishda sotib yuborgani to‘g‘risida xabar berilgandi.