Tush.UZ - Tushlar tabiri2021-yilda Ford kompaniyasi Shelby GT500 sportkarining 55 yilligini nishonlab, bozorga zamonaviy avlod modellari uchun Heritage Edition cheklangan versiyasini taqdim etgandi. Texnik jihatdan avtomobil standartligicha qolgan, ammo rangi va dekorativ elementlari hisobiga tashqi tomondan farq qiladi. Sportkarning amerikalik egalaridan biriga bu ham kamlik qilib, o‘g‘li uchun ham Shelby GT500 modelini buyurtma qilgan. O‘yinchoq avtomobil ham xuddi otasiniki kabi jihozlangan, deb xabar beradi Motor.
Trevor ismli shaxs o‘ziga Heritage Edition paketiga ega Mustang Shelby GT500’ning asosiy kuzov rangi ko‘k Brittany Blue bo‘lgan va oq Wimbledon White poyga chizig‘i tushirilgan variantini xarid qilgan. Shuningdek, u otasining sportkarini yaxshi ko‘radigan farzandini ham xursand qilishni istagan.
Mashhur ishlab chiqaruvchining elektr energiyasida harakatlanuvchi Power Wheels lineykasida zamonaviy Ford Mustang ham bo‘lib, oila boshlig‘i o‘g‘liga aynan shuni xarid qilgan.
Biroq u haqiqiy mashinaga o‘xshashi uchun mitti model tyuningga uchragan. Bolalar elektromobili Mustang Shelby GT500 g‘ildiraklari kabi diskalarga, kuzovida original emblemalarga ega bo‘lgan.
Eslatib o‘tamiz, Mustang Shelby GT500 770 ot kuchiga (847 Nm) ega 5,2 litrli V8 kompressori bilan jihozlangan bo‘lib, u yetti pog‘onali Tremec “robot” uzatmalar qutisi yordamida boshqariladi.
Bundan oldin o‘yinchoq pulemyot va tutun chiqaruvchi qurilmaga ega bolalar Aston Martin’i taqdim etilgani, Toyota vodorodda harakatlanuvchi o‘yinchoq Mirai’ni yasagani to‘g‘risida xabar berilgandi.
Mavzuga doir: Britaniyalik erkak o‘yinchoq mashina yordamida oddiy yo‘llarda harakatlanish uchun ruxsat oldi