Range Rover Sport’ning uchinchi avlodi taqdim etildi. U qariyb 100 ming dollar narxda sotuvga chiqadi

Land Rover kompaniyasi o‘zining klassik modeli Range Rover ortidan flagman krossoverning uchinchi avlod Sport-versiyasini taqdim etdi.

Avtomobil kuzovining tashqi tomonidan ortiqcha ulanishlar va chiqishlar soni kamaygan. Eshik tutqichlari endilikda tortib ochiladi, tashqi optikasi ixchamlashgan, kuzov shakli oldingi avlodga nisbatan ancha ravon.

O‘rindiqlar orasidagi masofa 31 santimetrga, yukxona hajmi esa 780 litrdan 835 litrgacha oshgan. Uchinchi qator o‘rindiqlari esa faqat Range Rover’ning katta modellariga o‘rnatiladi. Salon qimmat matodan qoplangan, biroq charmli yoki polianilinli varianti ham mavjud.

Diagonali 13,7 dyuymga teng ekranga qo‘shimcha sifatida proyeksion displey mavjud, salondagi ko‘zgudan esa orqa kameralardan tasvir uzatiladigan ekran o‘rin olgan. Mediatizim 13,1 dyuymli egilgan displeyga ega bo‘lgan. Iqlim-nazorat o‘z holida qoldirilgan.

Range Rover Sport quyidagicha agregatlar bilan jihozlangan:

• 249 ot kuchini taqdim etuvchi V6 hajmga ega uch litrli D250 dizel motor yoki 350 ot kuchili D350;
• 360 ot kuchini taqdim etuvchi V6 hajmga ega uch litrli P360 benzin motor yoki 400 ot kuchili P400;
• 530 ot kuchini taqdim etuvchi V8 hajmga ega 4,4 litrli benzin motor;
• Bir marta quvvatlanish orqali 88 kilometr yo‘l bosishga qodir P440e va P510e gibrid motorlar.

So‘nggi versiya soatiga 100 kilometr tezlikka 4,5 soniyada erisha oladi.

Range Rover Sport savdolari shu yilning kuzida boshlanadi. Germaniyadagi rasmiy narxi — 97,65 ming dollar. 2024-yilda modelning to‘liq elektrlashtirilgan versiyasini taqdim etish rejalashtirilgan.