Tush.UZ - Tushlar tabiriBuxoro va Sirdaryo viloyatlarida tabiiy resurslardan noqonuniy foydalanish holatlari fosh etildi, deb xabar beradi Bosh prokuratura huzuridagi departament.
Qayd etilishicha, departamentning Xovos tuman bo‘limi, DXX va IIB xodimlari hamkorligida tergovga qadar tekshiruv o‘tkazilgan. Tekshiruvda “X.O.” MCHJ masʼul shaxslari ishlab chiqarish sexidagi elektr hisoblagichga qasddan shikast yetkazib, 177,1 million so‘mlik elektr energiyasidan noqonuniy foydalangani aniqlangan.Shu kabi, departamentning Vobkent tuman bo‘limi tomonidan “Buxorotumangaz” gaz taʼminoti bo‘limi xodimlari bilan o‘tkazilgan tergovga qadar tekshiruvda fuqaro M.A. tovuqxona binosini umumiy foydalanishdagi gaz tarmog‘iga hech qanday hujjatsiz qayta ulab, 159,5 million so‘mlik tabiiy gazdan noqonuniy foydalangani aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Aprel boshlarida Surxondaryo viloyatining Denov, Qashqadaryo viloyatining Muborak hamda Farg‘ona viloyatining Marg‘ilon shahrida gazdan noqonuniy foydalanish holatlari fosh etilgandi. Shuningdek, Andijonda 1,3 mlrd so‘mlik elektr energiyasidan noqonuniy foydalangan ishlab chiqarish sexi aniqlangani to‘g‘risida xabar berilgan edi.