Tush.UZ - Tushlar tabiriFarg‘ona viloyati Farg‘ona shahrida yashovchi 26 yoshli (ayol) A.S. ariza bilan murojaat qilib, Telegram’da nomaʼlum shaxs bank kartasidagi 4 mln 570 ming so‘mni firibgarlik yo‘li bilan o‘zlashtirilganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Andijon viloyati Andijon shahrida yashovchi 22 yoshli J.R. sodir etganligi aniqlangan.
Gumonlanuvchi sifatida tergov organlariga jalb etilgan J.R. Telegram orqali jabrlanuvchi A.S. bilan tanishib, uning ayollar kiyim-kechaklarini sotib berishga kelishib, oldindan 4 mln 570 ming so‘m pullarini bank kartasiga o‘tkazdirgan. Shundan so‘ng vaʼdasini bajarmasdan, yozishmalarni o‘chirib yuborganligi maʼlum bo‘ldi.
Mazkur holat yuzasidan JKning 168-moddasi 3-qismi “b, g” bandi (o‘g‘rilik qonunga xilof ravishda (ruxsatsiz) axborot tizimiga kirib yoki undan foydalanib; firibgarlik axborot tizimidan, shu jumladan axborot texnologiyalaridan foydalanib sodir etilgan bo‘lsa) bilan jinoyat ishi qo‘zg‘atilib, J.R.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish maqsadida tergov, tezkor-qidiruv harakatlari davom ettirilmoqda.