Tush.UZ - Tushlar tabiriAQSH Senati Ukraina, Isroil va Tayvanga 95 milliard dollar miqdorida harbiy yordam ko‘rsatish haqidagi qarorni ma’qullagani haqida xabar berilgandi. Bugun 24-aprel kuni AQSH prezidenti Jo Bayden mazkur qonun loyihasini imzoladi.
To‘plam to‘rtta qonun loyihasini o‘z ichiga oladi: Ukraina, Isroil va Tayvanga yordam berish, shuningdek, TikTok’ni taqiqlash hamda Rossiyaning musodara qilingan aktivlarini sotishga ruxsat beruvchi REPO qonuni.
Qo‘shma Shtatlar Isroilga harbiy, G‘azo sektoriga esa gumanitar yordam ko‘rsatish uchun 26 milliard dollar, Tayvan va Hind-Tinch okeani mintaqasida xavfsizlikni ta‘minlash uchun 8 milliard dollar ajratmoqda.
Qonun loyihasi Senat tomonidan ma‘qullanganidan so‘ng, Bayden uni darhol imzolashga va‘da bergandi.
“Men bu qonun loyihasi stolimga tushishi bilanoq imzo chekaman, keyin esa Amerika xalqiga murojaat qilaman. Shu hafta Ukrainaga qurol va jihozlar yuborishni boshlashimiz uchun men buni zudlik bilan qilaman. Buni zudlik bilan qilish kerak: Rossiyaning tinimsiz bombardimonlariga duch kelayotgan Ukraina uchun; Eron tomonidan misli ko‘rilmagan hujumlarga duch kelgan Isroil uchun; qochqinlar va butun dunyo bo‘ylab, shu jumladan G‘azo, Sudan va Gaitidagi mojarolar va tabiiy ofatlardan jabrlanganlar uchun; va Hind-Tinch okeani mintaqasida xavfsizlik va barqarorlikni ta‘minlashga intilgan hamkorlarimiz uchun.
Men liderlar Shumer va MakKonnellga, shuningdek, ushbu qonun loyihasi uchun ovoz bergan har ikki partiya vakillariga minnatdorlik bildirmoqchiman. Bu muhim qonun mamlakatimiz va dunyoni xavfsizroq qiladi, chunki bizning do‘stlarimiz HAMAS kabi terrorchilar va Putin kabi zolimlardan o‘zlarini himoya qilishmoqda”, — dedi Amerika prezidenti.