Tush.UZ - Tushlar tabiriBugun, 26 aprel kuni Qashqadaryo viloyatida bir yigit bir qizni "samosud" qilib, uni zo‘rlamoqchi bo‘lgani aks etgan video ijtimoiy tarmoqlarg8a sizdirlidi. Ushbu holat yuzasidan Bolalar ombudsmani izoh berdi.
Aniqlanishicha, holat 2023 yilning iyul oyida B.B.ga SH.X. tomonidan jinsiy tegajog‘lik qilinib, bu holat boshqa shaxs J.M. tomonidan videotasvirga olingan. Keyinchalik J.M. videotasvirni tarqatib yuborish bilan qo‘rqitib, qizdan tovlamachilik yo‘li bilan pul olgan. Ammo shundan keyin ham videotasvirni tarqatish bilan tahdidni davom ettirib, tovlamachilik qilib kelgan.
Mazkur holat bo‘yicha jabrlanuvchi B.B. (2006 yilda tug‘ilgan) 2024 yilning 30 mart kuniga kelibgina tuman IIBga ariza bilan murojaat qilgan. Tergovga qadar tekshiruv doirasida sudga oid tibbiyot, kriminalistika va biologiya ekspertizalari tayinlangan.
Joriy yilning 8 aprel kuni JKning 25-moddasi (jinoyatga tayyorgarlik ko‘rish va jinoyat sodir etishga suiqasd qilish) orqali 118-modda 1-qismi (nomusga tegish) va 165-modda 1-qismi (tovlamachilik) bilan jinoyat ishi qo‘zg‘atilgan.
Hozirda jinoyat ishi bo‘yicha dastlabki tergov harakatlari olib borilmoqda. Mazkur jinoyat ishi Qashqadayo viloyati prokuraturasi tomonidan nazoratga olingan.