Tush.UZ - Tushlar tabiriShou-biznesda hamma ham o‘z o‘rnini topa olmaydi. Mazkur iste’dodli, intiluvchan yulduzlar qo‘llaridan kelgancha harakat qilmoqda, lekin ular hali dunyoga mashhur ota-onalaridan o‘zib ketolmagan.
Ava Reyn — Dueyn Jonsonning qizi
Dueyn Jonsonning qizlaridan biri Ava Reyn 2001-yilda tug‘ilgan. 2022-yil oktyabr oyida Ava resling shousida debyut qiladi. U otasining izidan borishga qaror qiladi va bodibilding bilan shug‘ullana boshlaydi. Aytgancha, bundan oldin Reyn muvaffaqiyatli modellik karyerasini qurgan. Ammo resling sabab qiz modellikni tashlaydi. Reyn ijtimoiy tarmoqlarda faol emas, omma oldida ko‘p ham ko‘rinavermaydi.
Bella Kidman-Kruz — Nikol Kidman va Tom Kruzning qizi.
Nikol Kidman va Tom Kruz turmush qurgach, Bellani asrab olishadi. Qiz ota-onasining izidan bormaydi, u rassom bo‘lishga qaror qiladi. Bella omma e’tiborida bo‘lishni xohlamaydi, shuning uchun ham u haqida ma’lumotlar juda kam. Faqat Bella eri bilan Londonda yashashi ma’lum. Ijtimoiy tarmoqlarda u ko‘pincha o‘zini emas, balki ijodini namoyish etadi. Qizning noyob fotosuratlaridan uning yaxshigina ijodkor ekanligini tushunish mumkin.
Ilon Maskning bolalari
Milliarder butun dunyoda tanilgan, ammo ba’zi mashhurlardan o‘rnak olib, shaxsiy hayotini ko‘z-ko‘z qilishni xohlamaydi. Ilon Maskning tarjimayi holi juda qiziq, ammo ba’zi voqealar tafsilotlarsiz ham ma’lum. Ba’zi manbalarga ko‘ra, Ilon 9 nafar, boshqalariga ko‘ra —11 nafar farzandning otasi hisoblanadi. Albatta, internetda hamma bolalarining rasmini topolmaysiz. Nisbatan yaqinda olingan quyidagi suratda — Mask Grayms bilan nikohidan tug‘ilgan X A-XII ismli o‘g‘lini ushlab turibdi.
Lila Moss — Keyt Mossning qizi
2002-yilda Keyt Moss qizi Lilani dunyoga keltiradi. Qizaloq kelajakda kim bo‘lishini yoshligidanoq hal qiladi. Uning birinchi debyuti 2021-yilda Milan moda haftaligida bo‘lib o‘tadi. Lila Versace, Fendi va Mark Jacobs brendlariga model bo‘lgan va u VOGUE jurnali uchun ham suratga tushgan. Ammo Lila diabetga chalingan va xuddi shunday tashxis qo‘yilgan odamlarni qo‘llab-quvvatlaydi. U dunyoga insulin pompasidan uyalmaslik kerakligini tushuntiradi — hatto aksessuar sifatida u bilan suratga tushadi.
Luka Beyl — Kristian Beylning qizi
2005-yilda Kristian Beylning Luka ismli qizi dunyoga keladi. Uzoq vaqt davomida qiz soyada qoladi, lekin balog‘at yoshiga yaqinroq u shou-biznes olamida birinchi qadamlarini qo‘yishni boshlaydi. Shunday qilib, 2019-yilda Luka “Ford Ferrariga qarshi” sport dramasida, 2022-yilda esa “Tor: Sevgi va chaqmoq” nomli sarguzasht filmida rol o‘ynaydi. Ammo kinodan tashqari, intiluvchan yulduzni qiziqtiradigan boshqa sohalar ham bor. O‘tgan yozda u Dolce & Gabbana shousida ishtirok etdi.