Tush.UZ - Tushlar tabiri“Milan” va Germaniya terma jamoasining sobiq himoyachisi Karl-Xaynts Shnellinger vafot etdi.
Ikki karra jahon chempionati sovrindori, sobiq futbolchi 85 yoshida Milandagi shifoxonada vafot etdi. U umrining so‘nggi yillarida shu shaharda yashagan.
Faoliyati davomida Shnellinger “Kyoln” klubi bilan Germaniya chempioni bo‘ldi. “Roma” bilan Italiya kubogini qo‘lga kiritdi. “Milan” bilan Italiya chempioni va uch karra Italiya kubogi sohibiga aylandi. Bundan tashqari, aynan shu klub bilan ikki marta Kubok egalari kubogi va bir marta Yevropa kubogini qo‘lga kiritgan.
Futbolchining ismi “Milan” klubining Shon-sharaf zaliga kiritilgan.
Germaniya terma jamoasi tarkibida Shnellinger 1966-yil Angliyada o‘tkazilgan jahon chempionatida ikkinchi, 1970-yilda Meksikada o‘tkazilgan jahon chempionatining uchinchi o‘rinni egalladi. Umuman olganda, u jamoa uchun to‘rtta turnirda o‘ynagan.