Tush.UZ - Tushlar tabiri“Yuventus”, “Napoli”, “Latsio” va “Chelsi” klublarining sobiq bosh murabbiyi Maurisio Sarri Yevropa klublarining yangi takliflari haqida gapirdi.
“So‘nggi oylarda menga faqat to‘rtta klub murojaat qildi. Ularning barchasi Premyer Liga va La Liga klublaridan. Hammasi menga yaratib beriladigan imkoniyatlar va taklifning jozibadorligiga bog‘liq”, — deya Sarri so‘zlarini keltiradi Sky Sports.65 yoshli mutaxassis faoliyatidagi so‘nggi klubi 2021-yilning iyunidan 2024-yilning martigacha boshqargan “Latsio” bo‘ldi. Rimliklar olti o‘yinda beshta mag‘lubiyatga uchragach bosh murabbiyni iste’foga chiqargan edi.
2023—2024 -yilgi mavsum yakuniga ko‘ra, Rim klubi 60 ochko bilan yettinchi o‘rinni egalladi.
Sarri professional faoliyati davomida ikkita sovrinni qo‘lga kiritgan: “Yuventus” bilan Italiya kubogi (2019—2020) va “Chelsi” bilan Yevropa Ligasi (2018—2019) bosh sovrini.