Tush.UZ - Tushlar tabiri“Chelsi” yarim himoyachisi Koul Palmer argentinalik mutaxassis Maurisio Pochettinoning London klubi bosh murabbiyligidan ketishi haqidagi xabarga o‘z munosabatini bildirdi.
“Murabbiy, men uchun qilgan barcha ishlaringiz va orzularimni amalga oshirganingiz uchun rahmat. Barcha yaxshiliklarni sizga tilayman”, — deb yozdi Palmer ijtimoiy tarmoqlardagi sahifasida.
Ma’lumot uchun, Maurisio Pochettino 2023-yilning yozida “Chelsi” bosh murabbiyi etib tayinlangan. Bu davrda uning qo‘l ostida “aristokratlar” barcha turnirlarda 51 uchrashuv o‘tkazib, 27 marta g‘alaba qozongan. Uchrashuvlarning 10 tasida durang o‘ynagan va 14 marta mag‘lubiyatga uchragan.
Angliya Premyer Ligasining joriy mavsumi yakuniga ko‘ra, “Chelsi” 63 ochko jamg‘arib, oltinchi o‘rinni egalladi.
Pochettino 20 va 21-may kunlari klub rahbariyati bilan uchrashib, o‘zaro kelishuvga ko‘ra, iste’foga chiqadigan bo‘ldi.