Tush.UZ - Tushlar tabiriO‘zbekistonlik futbolchi Lazizbek Mirzayev faoliyatini Ispaniyaning “Leganes” klubida davom ettiradi.
ma’lum qildi.
“U-17 Jahon Chempionati guruh bosqichida Angliyaga urgan golimdan so‘ng Jef ismli skaut meni ispan klubiga taklif qildi. “Leganes” bilan shartnoma imzoladim.
U yerda 10 kun mobaynida tibbiy ko‘rikdan o‘tdim, mashg‘ulotlarda ishtirok etdim.
Qachon klubga borib qo‘shilishim esa hozircha aniq emas. Hozir “Lokomotiv” safida to‘p suryapman va bor e’tiborim ushbu klubga qaratilgan.”, — deydi Lazizbek.
Avvalroq o‘zbekistonlik futbolchi U-17 terma jamoasidagi muvaffaqiyatli o‘yinlari orqali xorij klublari skautlari nazariga tushgani xabar qilingandi.
Ayniqsa, o‘tgan yili noyabr oyida 17 yoshgacha futbolchilar o‘rtasidagi jahon chempionatida Lazizbek Mirzayevning jarima zarbasidan Angliya terma jamoasi darvozasini ishg‘ol qilgani ancha shov-shuvlarni keltirib chiqargan.
Mirzayev 2023-yil yanvardan buyon Toshkentning “Lokomotiv” klubi safida faoliyat olib bormoqda.
Lazizbekning transfer summasi 2023-yil yakuniga ko‘ra, 50 ming yevrodan 200 ming yevroga ko‘tarilgan.
“Leganes” joriy mavsumda Segundada 42 ta uchrashuvda 74 ochko jamg‘arib, musobaqa jadvalida birinchi o‘rinni egalladi va La Liga yo‘llanmasini qo‘lga kiritdi.