Tush.UZ - Tushlar tabiriItaliya terma jamoasi darvozaboni Janluijji Donnarumma futbol bo‘yicha Yevropa chempionati favoritlari haqidagi savolga javob berdi.
“Ayrim jamoalar, shubhasiz, juda kuchli. Masalan, Fransiya va Angliya. Ammo Italiya ham o‘z so‘zini aytishi mumkin. Menimcha, bunday musobaqada favoritlar yo‘q. Biz o‘z kuchimizni ko‘rsatib, finalga chiqish uchun Yevropa chempionatiga yo‘l olmoqdamiz.
Birinchi tur bahsi haqida
Albaniya — tajribali yosh futbolchilarga ega ajoyib jamoa. Har bir uchrashuv o‘ziga xos, shuning uchun biz o‘z o‘yinimizni namoyish etib, g‘alaba qozonishga harakat qilishimiz lozim. Shundan keyingina boshqa o‘yinlar haqida o‘ylay olamiz”, — deya Donnarumma so‘zlarini keltiradi UEFA rasmiy sayti.
Italiya milliy jamoasi B guruhida Albaniya, Xorvatiya hamda Ispaniyaga qarshi maydonga tushadi.
Germaniyada o‘tkaziladigan turnir 14-iyundan 14-iyulga qadar bo‘lib o‘tadi. Yevropa chempionatining amaldagi g‘olibi Italiya terma jamoasi hisoblanadi.