Tush.UZ - Tushlar tabiriAQSH dengiz kuchlari 14-iyun kuni Qizil dengizda harbiy operatsiya o‘tkazib, husiylarning havo radarlariga zarbalar yo‘llagan. Bu haqda Al Arabiya nashri xabar berdi.
Manbada aytilishicha, so‘nggi 24 soatda AQSH Qizil dengizdagi kemalari joylashuvini bir necha marta o‘zgartirgan. Yaman g‘arbidagi kuzatuv radarlariga zarbalar berilgan.Hujumlar oqibatida 7 ta radar va bitta harbiy dron yo‘q qilingan. AQSH, shuningdek, husiylarga tegishli ekani taxmin qilingan kemani ham cho‘ktirib yuborgan.
AQSH rasmiylari hujum yaqinda husiylar tomonidan tijorat kemasiga berilgan zarbaga javob tarzida amalga oshirilganini bildirgan. Ikki kun oldin Yamanning “Ansorulloh” harakati Qizil dengiz janubida Gretsiya bayrog‘i ostidagi savdo kemasiga shikast yetkazgan edi.
“Yo‘q qilingan radarlar husiylarga dengiz kemalarini nishonga olishga va tijoriy yuk tashishni xavf ostiga qo‘yishga imkon bergan”, — deyilgan AQSH Markaziy qo‘mondonligi bayonotida.