Tush.UZ - Tushlar tabiriUkrainada maxsus operatsiya doirasida 700 mingdan ortiq rus askari jang qilmoqda. Bu haqda Rossiya prezidenti Vladimir Putin bergan bayonotga asoslanib, The Moscow Times nashri xabar berdi.
Manbada aytilishicha, Rossiya rahbari 14-iyun kuni davlat televideniyesida Ukrainadagi rus qo‘shinlari bilan bog‘liq vaziyat haqida qisqa hisobot eʼlon qilgan. Prezident nutqida qo‘shinlar soni va joylashuvi haqida maʼlumot bergan.Vladimir Putinga ko‘ra, Ukrainada jang qilayotgan rus askarlari soni 700 mingdan oshadi. Harbiy hududdagi mudofaa chizig‘i atrofida rus armiyasi ustunlikni qo‘lga olgan.
“Maxsus harbiy amaliyotimiz zonasida deyarli 700 ming kishi bor. Ular mustahkam pozitsiyalarda joylashgan va yuqori tayyorgarlikka ega”, — degan Rossiya rahbari.
So‘nggi marta Vladimir Putin o‘tgan yilning dekabr oyida yil yakunlari bo‘yicha matbuot anjumanida harbiy hisobot eʼlon qilgan edi. Hisobotda Ukraina sharqidagi rus askarlari soni 617 ming atrofida ekani, ulardan 244 ming askar safarbarlik to‘g‘risidagi qarordan so‘ng urush maydoniga olib kelingani aytilgan.
Joriy yilning may oyida Rossiya Ukrainaning shimoli-sharqidagi Xarkov viloyatiga quruqlikdagi yirik hujum boshlashi oqibatida askarlar soni ko‘paytirilgan. Frontning shimoli-g‘arbiy hududlari bo‘ylab yangi harbiy qismlar joylashtirilgan.
Avvalroq Sharqiy Yevropaning bir qator nashrlari halok bo‘lgan askarlar haqida statistika eʼlon qilgan edi. Manbalarda aytilishicha, ikki yillik urushdan Rossiya 50 mingdan ortiq askarini yo‘qotgan.