Tush.UZ - Tushlar tabiriAQSHning saylangan prezidenti Donald Tramp mamlakatdagi noqonuniy migrantlarni deportatsiya qilish uchun armiyani jalb qilmoqchi. Bu haqda Newsweeek xabar berdi.
Donald Trampning yangi administratsiyasi mamlakatda favqulodda holat e’lon qilishga va ommaviy deportatsiya dasturi orqali Bayden hukumatining chegaradan o‘tkazish siyosatini to‘xtatish uchun harbiy resurslardan foydalanishga tayyor ekani xabar qilinmoqda, dedi konservativ faol va sharhlovchi Tom Fitton.AQSHning saylangan prezidenti bunga javoban “To‘g‘ri” deya munosabat bildirdi. Tramp jamoasi vakili Newsweek’ka ma’lum qilishicha, bo‘lajak prezident “AQSH tarixidagi eng yirik operatsiya doirasida noqonuniy jinoyatchilar, giyohvand moddalar va odam savdogarlarini deportatsiya qilish uchun federal va shtat darajasidagi barcha kuchlarni safarbar etadi”, bunda “oilalar uchun xarajatlarni kamaytiradi”.
Siyosatchi ilgari deportatsiya o‘tkazish uchun Milliy gvardiya va hukumat idoralarini jalb etishini ma’lum qilgandi. Saylovoldi kampaniyasi davomida u “Amerika tarixidagi jinoyatchilarni deportatsiya qilishning eng keng ko‘lamli dasturini ishga tushirishni” va’da qilgan. Shuningdek, Tramp AQSHga dushmanlik kayfiyatida deb topilgan chet el fuqarolarini deportatsiya qilishga imkon beruvchi 1798-yilgi qonundan foydalanishini aytgandi.
AQSHdagi 5-noyabr kuni bo‘lib o‘tgan saylovlarda Tramp 312 ta, Harris esa 226 ta ovoz oldi. G‘alaba qozonish uchun esa 270 ta ovoz olish lozim edi. Tramp rasman 2025-yil 20-yanvarda davlat rahbari lavozimiga kirishadi. U prezidentlik davrida urushni 24 soat ichida tugatishni va‘da bergandi, shuningdek, Ukrainaga harbiy yordam ajratilishini tanqid qilgan.