Tush.UZ - Tushlar tabiriFutbol bo‘yicha 2026-yilgi Jahon chempionati saralash o‘yini yakunlandi, unda Paragvay terma jamoasi Argentinani qabul qildi. Asunson shahridagi Defensores del Chako stadionida bo‘lib o‘tgan uchrashuv mezbonlarning 2:1 hisobidagi g‘alabasi bilan yakunlandi.
Paragvay terma jamoasining gollariga Arnaldo Antonio Sanabria hamda Omar Alderete mualliflik qildi.Argentina terma jamoasining yagona goliga Lautaro Martines mualliflik qildi.“Inter Mayami” hujumchisi Lionel Messi maydonga asosiy tarkibda tushdi va hech qanday samarali harakatlarni amalga oshira olmadi.
Ma’lumot uchun, Argentina terma jamoasi 22 ochko bilan guruhda yakka peshqadamlik qilmoqda. Paragvay esa ushbu g‘alabadan so‘ng 16 ochko bilan beshinchi o‘rinda bormoqda.
Keyingi uchrashuvda Argentina terma jamoasi Peruga, Paragvay esa Boliviyaga qarshi bahs olib boradi.Venesuelaga safar uyushtirgan Braziliya jamoasi durang qayd etdi.
43-daqiqada “pentakampeonlar” yarim himoyachisi Rafinya hisobni ochdi. Tanaffusdan so‘ng darhol zaxiradan maydonga tushgan venesuelalik yarim himoyachi Telasko Segoviya javob golini kiritdi. 62-daqiqada “Real” hujumchisi Vinisius Junior Braziliyaga g‘alaba keltirishi mumkin edi, biroq u tepgan penaltini mezbonlar darvozaboni Rafael Romo qaytara oldi. 89-daqiqada Venesuela terma jamoasi himoyachisi Aleksandr Gonsales maydondan chetlatildi va o‘yin durang bilan yakunlandi.Braziliya terma jamoasi 11 o‘yindan 17 ochko to‘plagan holda 2026-yilgi Jahon chempionatiga saralash turnirida uchinchi o‘rinni egallab turibdi. Venesuela 11 o‘yindan 12 ochko jamg‘arib, yettinchi o‘ringa ko‘tarilib oldi, bu esa qit’alararo pley-offda o‘ynash huquqini beradi.