Tush.UZ - Tushlar tabiriButunjahon tayekvondo federasiyasi (WT) 2024 yilning eng yaxshilarini aniqlash uchun sportchilar va murabbiylarning ovoz berish natijalarini e’lon qildi.
Ovoz berish natijalariga ko‘ra, yilning eng yaxshi erkak sportchisi nominasiyasida O‘zbekiston milliy terma jamoasi a’zosi, ikki karra Olimpiya o‘yinlari g‘olibi Ulug‘bek Rashitov g‘olib bo‘ldi.
Taqdirlash marosimi bugun Gonkongda davom etayotgan pumse bo‘yicha Jahon chempionati doirasida bo‘lib o‘tdi. Unda hamyurtimiz Ulug‘bek Rashitov ham ishtirok etib, Butunjahon taekvondo federasiyasi bosh kotibi Seo Jeongkangdan o‘z sovrinini qabul qilib oldi.
Ta’kidlash lozim, bunga qadar o‘zbekistonlik taekvondochilar Jahon miqyosida e’tirof etilmagan edi.
Nominasiyalar g‘oliblari:
"Yilning eng yaxshi erkak sportchisi" — ULUG‘BEK RASHITOV
"Yilning eng yaxshi ayol sportchisi" — Viviana Marton (Vengriya)
"Yilning eng yaxshi ayol para sportchisi" — Leonor Angelika Espinoza (Peru)
"Yilning eng yaxshi erkak para sportchisi" — Imamaddin Halilov (Ozarbayjon)
"Yilning eng yaxshi zarbasi sohibi" — Park Teejun (Koreya Respublikasi)
"Yilning eng yaxshi murabbiyi" — Yesbol Sultanov (Tunis)
"Yilning eng yaxshi para murabbiyi" — Endryu Dir (Buyuk Britaniya)
"Yilning eng yaxshi Olimpiya hakami" — Mohamedali Elsayed (Misr)
"Yilning eng yaxshi Paralimpiya hakami" — Paula Ramires Ruis (Ispaniya)