Tush.UZ - Tushlar tabiriDunyodagi eng mashhur ikkita hamyonbop Temu va Shein xarid platformasi Vyetnamda o‘z faoliyatini to‘xtatdi. Bu haqda South China Morning Post xabar berdi.
Temu va Shein xizmatlarini qayta boshlash uchun mahalliy hokimiyat ruxsatini kutmoqda. Vyetnam Sanoat va savdo vazirligi Temu kompaniyasi biznesni ro‘yxatdan o‘tkazish jarayonini 30-noyabrgacha yakunlamagani sababli faoliyatini to‘xtatib qo‘ygan. Shein platformasi xuddi shu sabablarga ko‘ra vaqtincha ishlamayapti.Temu kichik va o‘rta biznesni himoya qilish tashabbusi doirasida Indoneziyada ham taqiqlangan. Rasmiylarga ko‘ra, Temu’ning biznes modeli mahalliy dilerlar va yuk tashuvchilarni chetlab o‘tib, narxlarni pasaytirib, mayda savdogarlarni siqib chiqarmoqda.
Qiyinchiliklarga qaramay, Janubi-Sharqiy Osiyo Temu, Shein va Xitoy tomonidan qo‘llab-quvvatlanadigan boshqa elektron tijorat platformalari, jumladan, ByteDance kompaniyasining TikTok Shop va Alibaba Group Holding’ning Lazada’si uchun yirik xorijiy bozorga aylandi.
Temu
2022-yilda tashkil etilgan Temu hozirda 80 dan ortiq mamlakat va hududda faoliyat yuritmoqda. Similarweb tahlil kompaniyasi ma’lumotlariga ko‘ra, uchinchi chorakda Temu dunyodagi ikkinchi eng mashhur onlayn platforma bo‘lib, oyiga o‘rtacha 662,5 million tashrifni qayd etgan va 2,7 milliard tashrif bilan Amazon’dan keyin ikkinchi o‘rinda turadi.
Shein
2008-yilda xitoylik tadbirkor Skay Syuy Yantyan tomonidan asos solingan Shein kompaniyasi 150 dan ortiq mamlakatda faoliyat olib bormoqda. Biroq ushbu platformalardagi past narxlar va qalbaki mahsulotlarning sotilishi ko‘pincha mahalliy hokimiyat organlarida xavotir uyg‘otmoqda.