Tush.UZ - Tushlar tabiriXitoy tashqi ishlar vazirligi «Hongkong bilan bog‘liq masalalarda nohaq harakatlarni amalga oshirgan» Amerika fuqarolariga viza cheklovlarini joriy etadi. Bu haqda TIV matbuot kotibi Mao Nin ma’lum qildi.
Qayd etilishicha, matbuot anjumanida Shenzhen TV jurnalistlari AQSh tomonidan Hongkong milliy xavfsizligi himoyasi to‘g‘risidagi qonunning bajarilishini nazorat qilayotganlarga joriy etilgan viza cheklovlariga qanday javob qaytarilishi to‘g‘risida savol bergan. XXR TIV matbuot kotibi Xitoy allaqachon AQShga «o‘zining rasmiy pozitsiyasini bildirganini» ma’lum qildi.
Maoning so‘zlariga ko‘ra, AQSh Hongkong bilan bog‘liq muammolardan foydalanib, «Xitoy rasmiylariga to‘satdan viza cheklovlarini kiritgan, bu Xitoyning ichki ishlariga qo‘pol aralashish va xalqaro huquq tamoyillari hamda xalqaro munosabatlarning asosiy me’yorlarini jiddiy buzishdir». Matbuot kotibi Hongkong Xitoyning bir qismi ekani va Hongkong ishi Xitoyning ichki ishi ekanini ta’kidlab o‘tgan. «Biz AQShni Xitoy suvereniteti, Honkong qonunlarini hurmat qilishga va har qanday shaklda Hongkong ishiga aralashishni to‘xtatishga chaqiramiz», — deydi u.
AQSh tomonidan ayrim honkonglik amaldorlarga viza cheklovlarining joriy etilishiga muxolifatning 45 nafar vakili milliy xavfsizlik to‘g‘risidagi qonunni buzgani uchun qamalgani sabab bo‘ldi. Hukumatni ag‘darishga til biriktirganlikda ayblangan muxolifatchilar to‘rt yildan o‘n yilgacha qamoq jazosiga hukm qilingan.