Tush.UZ - Tushlar tabiriAQShning saylangan prezidenti Donald Tramp “Truth Social” platformasida mamlakatdagi so‘nggi xurujlarga izoh berarkan, Qo‘shma Shtatlar dunyoning kulgi ob’ektiga aylanganini ta’kidlab, davlat rahbariyatini no‘noqlikda aybladi. Bu haqda “Anadolu” axborot agentligi xabar bermoqda.
– O‘lkamiz halokatli ahvolda, hozirda butun dunyo bizni masxara qilmoqda. Bu ochiq chegaralarning natijasi va amalda hech qanday yetakchilik yo‘q, - dedi u.
Uning qo‘shimcha qilishicha, demokratlar bunday voqealar sodir bo‘lishiga yo‘l qo‘yganidan uyalishi kerak.
Ma’lumot o‘rnida, AQSh Yangi yilni qator hujumlar bilan qarshi oldi.
2025 yilning erta tongida Yangi Orleandagi Burbon ko‘chasida ulov mingan shaxs o‘z avtomashinasini olomon ustiga haydadi va natijada 15 kishi halok bo‘ldi, 35 kishi yaralandi. Hujum qilgan shaxs Texasning sobiq harbiysi, 42 yoshli Shamsuddin Jabbor polisiya tomonidan otib o‘ldirildi.
O‘sha kuni Las-Vegasdagi “Trump International” mehmonxonasi yaqinida “Tesla” avtomobili portlab, bir kishi halok bo‘ldi, yetti kishi jarohatlandi.