Tush.UZ - Tushlar tabiriRossiyalik olimlar og‘iz bo‘shlig‘i kasalliklarini aqli zaiflik kasalligi paydo bo‘lishiga olib keladigan omillar ro‘yxatiga kiritdi. Bu haqda The Voice Mag jurnali xabar bermoqda.
Mutaxassis ta’kidlashicha, tish va milklarning yallig‘lanish kasalliklari bilan og‘rigan odamlarda Alsgeymer kasalligiga chalinish ehtimoli ko‘proqdir. Mazkur xastaliklarning o‘zaro bog‘liqlik mexanizmi hozircha to‘liq o‘rganilmagan. Biroq ushbu nazariya quyidagicha tushuntiriladi:
Og‘iz bo‘shlig‘i va tishlarda hosil bo‘ladigan mikroorganizmlar bevosita yoki tananing immun reaksiyasi orqali amiloid oqsilining ishlab chiqarish jarayonini boshlab yuborishi mumkin. Aynan shu oqsil bosh miya hujayralarining shikastlanishiga olib keladi va Alsgeymer kasalligini keltirib chiqaradi. Boshqa davlatlarda o‘tkazilgan tadqiqotlar ham og‘iz bo‘shlig‘i salomatligi va neyrodegenerativ kasalliklarning rivojlanishi o‘rtasidagi bog‘liqlik mavjudligini tasdiqlaydi.
Doktor Cherdak keksalarga tish va milklar salomatligiga e’tiborli bo‘lishni va zarur bo‘lganda protez tishlar qo‘yishni tavsiya qildi. Chunki bosh miya kasalliklariga nafaqat infeksiya, balki tishlar yetishmasligi yoki kasallanishi sabab bo‘lishi mumkin.