Eron chempionati. Oston O‘runov O‘tkir Yusupov darvozasini ishg‘ol qildi

Futbol bo‘yicha Eron chempionatining 3-tur bahslari 30-avgust, juma kuni bo‘lib o‘tdi. 

Oston O‘runov to‘p surayotgan “Persepolis” o‘z maydonida O‘tkir Yusupov darvozasini qo‘riqlayotgan “Fulad”ni qabul qildi. 

Uchrashuvning 68-daqiqasida Oston darvozani ishg‘ol qildi. 82-daqiqada esa Amiri yakuniy hisobni o‘rnatdi. Uchrashuv “Persepolis”ning 2:0 hisobidagi g‘alabasi bilan yakunlandi. 

Ortda qolgan 3 turdan so‘ng “Persepolis” 5 ochko bilan 5-o‘rinda bormoqda. “Fulad” esa 4 ochko bilan 9-o‘rinni band etgan.

---

Eron chempionati

3-tur bahsi

30-avgust, juma

“Persepolis” — “Fulad” 2:0

Gollar: 1:0 — 68 O‘runov, 2:0 — 82 Amiri.

Joylangan vaqt : (1 Sentyabr 2024 04:06)

Manba: www.daryo.uz