Andijon va Qoraqalpog‘istonda yer maydonlarini olib berishni vaʼda qilgan shaxslar ushlandi

Qoraqalpog‘iston Respublikasi va Andijon viloyatida yer maydonlarini olib berishni vaʼda qilgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

 

Shuningdek, Andijon tumanida fuqaro N.N. fuqaro X.A.ga “U.D.” qo‘shma korxonasiga ajratilgan yer maydonining 4 sotixini go‘yoki kadastr bo‘limida ishlovchi tanishlari orqali 10,5 ming dollar evaziga turar joy sifatida rasmiylashtirib berishini aytgan. Ushbu pullar hisobidan 5,5 ming dollarni olgan vaqtida ushlangan. 

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

Yer sotish holatlari

Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.

Shu bilan birga, Sirdaryoda besh gektar yer maydonini 40 ming AQSH dollariga sotishga uringan opa-uka qo‘lga olingan edi.

Bundan tashqari, aprel boshlarida esa Navoiyda 80 gektar yerni 1 milliard so‘mga sotishga uringan shaxslar ushlangani, Samarqand va Farg‘onada noqonuniy yer sotish holatlariga chek qo‘yilgani to‘g‘risida xabar berilgandi.


Joylangan vaqt : (29 Yanvar 2025 07:00)

Manba: www.daryo.uz
Tavsiya qilamiz
. Яндекс.Метрика