AQSh prezidenti Donald Tramp tug‘ilish huquqi asosida beriladigan fuqarolikni bekor qilish talabini AQSh Oliy sudigacha yetkazishga tayyor.
Bu haqda Oq uy matbuot kotibi Kerolayn Livitt jurnalistlarga o‘tkazilgan brifingda ma’lum qildi.
"Ushbu ma’muriyat tug‘ilish huquqi asosidagi fuqarolikni konstitusiyaga zid deb hisoblamoqda, - dedi Livitt. - Agar zarur bo‘lsa, biz bu masalada Oliy sudgacha kurashishga tayyormiz, chunki Tramp buni mamlakatimiz chegaralari xavfsizligini ta’minlash va vatanimizni himoya qilish uchun zarur qadam deb biladi".