Putin Belarusni yashirincha egallamoqda — Urushni o‘rganish instituti

Amerikaning Urushni o‘rganish instituti ((ISW) so‘nggi yillardagi siyosiy tendensiyalarga e’tibor qaratib, Rossiyaning Belarus ustidan nazoratni bosqichma-bosqich mustahkamlashini «yashirin bosib olish» deb atadi. Mutaxassislarning fikricha, bu jarayon NATO uchun jiddiy oqibatlarga olib kelishi mumkin.

▪️ 2020 yilgi bahsli saylovlardan keyin Belarusdagi siyosiy inqirozdan foydalanib, Kreml mamlakatdagi ta’sirini keskin oshirdi. Moskva targ‘ibotchilari va xavfsizlik xizmatlari Aleksandr Lukashenkoga norozilik namoyishlarini bostirishda yordam berdi.

▪️ Rossiya o‘z qo‘shinlarini Belarusga joylashtirdi va 2021-2022 yil qishidagi harbiy mashg‘ulotlardan bahona sifatida foydalanib, Ukrainaga hujum qildi. Belarus hududidan Ukraina tomon 30 mingga yaqin Rossiya askari yurib o‘tdi.

? Rossiyaning asosiy maqsadlari qanday?

Tahlilchilarga ko‘ra, Kreml uch yo‘nalishda Belarusni o‘ziga bo‘ysundirishni rejalashtirgan:

1️⃣ Harbiy nazorat – Rossiya deyarli to‘liq harbiy integrasiyani yakunlab, Belarusga o‘z qo‘shinlarini doimiy ravishda joylashtirishni rejalashtirmoqda. Kelajakda bu hududda havo kuchlari, yangi quruqlik brigadalari va hatto strategik yadro qurollari joylashtirilishi mumkin.

2️⃣ Iqtisodiy birlashuv – Kreml Belarus bilan gaz, elektr energiyasi va ishchi kuchi bozorlarini birlashtirib, ikkala davlat iqtisodiyotini yagona tizimga aylantirmoqchi.

3️⃣ Siyosiy bo‘ysundirish – Kreml kelajakda Belarus bilan birgalikda ishlaydigan parlament va sud tizimi yaratishi, shuningdek, «Ittifoq davlati» doirasida doimiy komitet tuzishi mumkin. Ushbu tuzilma qonun chiqaruvchi vakolatga ham ega bo‘lishi mumkin.

? Yadro qurollari joylashtirilishi xavotir uyg‘otmoqda

ISW ekspertlari ayniqsa Belarusdagi Rossiya nazoratidagi yadro qurollari borligidan xavotir bildirishmoqda:

? «2023 yilda Rossiya Belarus Konstitusiyasiga o‘zgartirishlar kiritib, uni rasmiy »yadroviy qurolsiz davlat« maqomidan mahrum qildi va natijada Belarus hududida Rossiya taktik yadro qurollari joylashtirildi.»

Tahlilchilarning fikricha, G‘arb allaqachon Belarusni bosib olingan hudud sifatida emas, balki Rossiyaning bevosita davomchisi sifatida qabul qilishga tayyorlanishi kerak.


Joylangan vaqt : (29 Yanvar 2025 23:00)

Manba: www.aniq.uz
Tavsiya qilamiz
. Яндекс.Метрика