Isroil UNRWA'ning mamlakat hududidagi barcha ofislarini yopish uchun 48 soat vaqt berdi

Bu haqda bugun Isroil hukumatining rasmiy vakili David Menser matbuot anjumanida ma’lum qildi.

"Isroil hukumati 48 soat ichida Quddusda Birlashgan Millatlar Tashkilotining Falastin qochqinlariga yordam berish bo‘yicha Yaqin Sharq agentligining (UNRWA) barcha ofislarini yopishni, tashkilot vakillari bilan aloqalarni uzishni va uning faoliyatini Isroil hududida taqiqlashni e’lon qildi", — dedi Menser.

Uning so‘zlariga ko‘ra, UNRWA Isroilning milliy xavfsizligiga tahdid soladi.

"UNRWA'da HAMASning faoliyat yuritayotgan ko‘plab xodimlari bor: faqatgina UNRWA'ning o‘zi so‘roq qilgan 19 nafar emas, balki yana yuzlab xodimlar bor", — deya ta’kidladi Menser.

Ma’lumot uchun, joriy yil 25 yanvar kuni Isroilning BMTdagi doimiy vakili Dani Danon tashkilot Bosh kotibini xabardor qilib, UNRWA'ning 30 yanvargacha Isroildagi barcha faoliyatini to‘xtatishi kerakligini ma’lum qilgan.


Joylangan vaqt : (30 Yanvar 2025 00:00)

Manba: www.aniq.uz
Tavsiya qilamiz
. Яндекс.Метрика