O‘zbekiston poytaxtida Turk davlatlari Xalqaro universiteti tashkil etiladi. Tegishli qarorni O‘zbekiston prezidenti Shavkat Mirziyoyev imzoladi.
Yangi universitet muhandislik, qurilish, logistika, axborot texnologiyalari va dasturlash, sog‘liqni saqlash, qishloq xo‘jaligi, oziq-ovqat sanoati, iqtisodiyot va ijtimoiy siyosat sohalarida mutaxassislar tayyorlaydi. Ta’lim jarayoni xalqaro standartlarga muvofiq tashkil etiladi.
✍️ Hujjatga ko‘ra, 2025/2026 o‘quv yilidan boshlab universitetda o‘qish Turkiyaning eng yaxshi 1000 ta jahon universitetlari reytingiga kiruvchi oliy ta’lim muassasalarining dasturlari asosida olib boriladi.