Federal aviatsiya ma’muriyati (FAA) ma’lum qilishicha, PSA Airlines aviakompaniyasining CRJ700 yo‘lovchi samolyoti mahalliy vaqt bilan soat 21:00 da qo‘nishga yaqinlashayotganda Sikorsky H-60 vertolyoti bilan to‘qnashgan. Samolyot Kanzas shtatining Vichita shahridan Vashingtonga yo‘l olgan American Airlines reysini amalga oshirayotgan bo‘lgan. American Airlines veb-saytiga ko‘ra, samolyot 65 nafargacha yo‘lovchini sig‘dira oladi.
Aeroport, o‘z navbatida, barcha reyslarning parvozi va qo‘nishi to‘xtatilganini e’lon qildi. «Favqulodda xizmatlar aeroportdagi samolyot bilan bog‘liq hodisaga munosabat bildirishmoqda», — deyiladi aeroport ijtimoiy tarmoqlarda.
Milliy transport xavfsizligi boshqarmasi hodisa haqida qo‘shimcha ma’lumotlar yig‘ilayotganini ma’lum qildi.
Chorshanba kuni kechqurun Potomak daryosi bo‘yidagi voqea joyi bo‘ylab AQSh Park politsiyasi, Kolumbiya okrugi politsiyasi departamenti va amerikalik harbiylar vertolyotlari uchib o‘tdi, deya xabar beradi Associated Press.
Yaqin atrofdagi Kennedi markazidagi kuzatuv kamerasidan olingan videoda ikkita porlayotgan obekt (taxminan havo kemasi) va ular yaqinlashgandan so‘ng yorqin chaqnashni ko‘rish mumkin, deb yozadi AP.
Veb-kamera ma’lumotlariga ko‘ra, falokat mahalliy vaqt bilan 20:48 da sodir bo‘lgan.
Jabrlanganlar haqidagi ma’lumotlarga aniqlik kiritilmoqda.