Ikki viloyatda iste’molga yaroqsiz alkogol mahsulotlarini muomalaga kiritilishining oldi olindi

Bosh prokuratura huzuridagi Departamentning Qumqo‘rg‘on va Sherobod tumani bo‘limlari tomonidan o‘tkazilgan tezkor tadbirlarda ushbu tumanlarda faoliyat yurituvchi “SH.T.” MCHJ hamda “SH.J.” xususiy korxonasiga qarashli savdo do‘konlaridan turli nomdagi umumiy bahosi 191,6 mln so‘mlik jami 5 406 dona tegishli kirim va sifatini tasdiqlovchi hujjatlari bo‘lmagan alkogol mahsulotlari sotuvga qo‘yilganligi aniqlanib, ushbu mahsulotlar ashyoviy dalil sifatida olingan.

Shu kabi, Departamentning Qo‘qon shahri bo‘limi tomonidan o‘tkazilgan tezkor tadbirda “M.S.” MCHJga qarashli savdo do‘koni va omborxonasidan turli nomdagi jami 3 610 dona tegishli hujjatlari bo‘lmagan alkogol mahsulotlari ashyoviy dalil sifatida olib qo‘yilgan.

Departamentning Quva tumani bo‘limi tomonidan o‘tkazilgan tezkor tadbirda “V.S.” oilaviy korxonasi savdo do‘koni sotuvchisi F.S. xaridorga qo‘lbola usulda tayyorlangan 2 dona alkogol mahsulotini 60 ming so‘mga sotgan vaqtida ushlanib, ushbu savdo do‘konida tayyorlangan turli nomdagi 75 dona qo‘lbola alkogol mahsuloti, 24 litr spirt, yelim idishlarga quyilgan 12 litr qo‘lbola alkogol, bo‘sh shisha idishlar va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.


Joylangan vaqt : (30 Yanvar 2025 11:00)

Manba: www.aniq.uz
Tavsiya qilamiz
. Яндекс.Метрика