AQSh prezidenti Donald Tramp xalqaro savdoda dollarga muqobil valyuta yaratishga uringani uchun BRIKS mamlakatlariga 100 foiz boj joriy etish bilan tahdid qilmoqda. Bu haqda u o‘zining Truth Social tarmog‘ida yozdi.
“Biz, chamasi dushmanona munosabatda bo‘lgan bu mamlakatlardan BRIKSning yangi valyutasini yaratmaslik va qudratli AQSh dollarini almashtirish uchun boshqa hech qanday valyutani qo‘llab-quvvatlamaslik majburiyatini olishlarini talab qilamiz”, dedi AQSh prezidenti.
Bojlarni joriy etishdan tashqari, Tramp BRIKS mamlakatlarining tovarlari uchun Amerika bozorini yopib qo‘yish bilan ham tahdid qildi.