Tush.UZ - Tushlar tabiriUkraina Xavfsizlik xizmati davlat siri oshkor qilinishi bo‘yicha jinoyat ishi ochdi. Bu haqda “Ukrainskaya Pravda” Ukraina Xavfsizlik xizmati (SBU) bayonotiga tayanib xabar berdi.
Bunga “Ukrainskaya Pravda” nashrining Ukraina Mudofaa vazirligi Bosh razvedka boshqarmasi (GUR) rahbari Kirill Budanovning yopiq yig‘ilishdagi so‘zlari haqidagi maqolasi sabab bo‘ldi.
Jinoyat ishi davlat sirini tashkil etuvchi ma’lumotlarni oshkor qilish moddasi bo‘yicha olib borilmoqda. Sudgacha tergov jarayoni Ukraina Oliy Radasida bo‘lib o‘tgan yopiq yig‘ilish haqidagi maqola e’lon qilingandan keyin boshlangan.
Avvalroq “Ukrainaskaya pravda” gazetasi ushbu yig‘ilishda Budanov "agar yozgacha jiddiy muzokaralar bo‘lmasa, Ukrainaning mavjudligi uchun juda xavfli jarayonlar boshlanishi mumkinligini aytgani" haqida xabar bergandi.
Ukraina Xavfsizlik xizmatiga ko‘ra, tergov jarayoni “maxfiy” yorlig‘i ostida o‘tgan yopiq yig‘ilishda bevosita ishonib topshirilgan ma’lumotlarni oshkor qilgan shaxslarga nisbatan olib borilmoqda.