“Tolibon” Afg‘onistonda giyohvand moddalar ishlab chiqarish va uning noqonuniy savdosi deyarli nol darajaga yetkazilganini ma’lum qildi

Bu haqda Tolo News axborot agentligi “Tolibon” muvaqqat hukumati matbuot kotibi Zabihullo Mujohidga tayanib xabar bermoqda.

"Biz barcha turdagi giyohvand moddalar kontrabandasining oldini olyapmiz. Afg‘onistonda ularning ishlab chiqarilishi butunlay tugatilgan. Giyohvand moddalar yetishtirish va ularning noqonuniy savdosi deyarli nol darajaga tushdi", — deya ma’lum qildi Mujohid.

Eron Ichki ishlar vaziri o‘rinbosari Ali Akbar Purjamshidiyan Eronning Pokiston va Afg‘oniston bilan chegaradosh hududlarida giyohvand moddalar savdosi darajasi oshganini bildirdi. Purjamshidiyanning so‘zlariga ko‘ra, Afg‘onistonda hanuz katta miqdorda giyohvand moddalar zahiralari mavjud.

Joylangan vaqt : (1 Fevral 2025 01:00)

Manba: www.aniq.uz