Tush.UZ - Tushlar tabiriO‘zbekiston yetti oyda 187 ta mamlakat bilan savdo aloqalarini amalga oshirgani ma’lum qilindi.
Statistika agentligi ma’lumotlariga ko‘ra, 2024-yilning yanvar—iyul oylarida O‘zbekiston jahonning 187 ta mamlakati bilan savdo aloqalarini amalga oshirib, tashqi savdo aylanmasi hajmini 36,8 milliard AQSH dollariga yetkazgan.
Tashqi savdo aloqasining nisbatan salmoqli hissasi Xitoy (18,6 foiz), Rossiya (18,5 foiz), Qozog‘iston (6,2 foiz), Turkiya (4,6 foiz) va Koreyada (3,2 foiz) qayd etilgan:
Yanvar–iyul oylarida O‘zbekiston eksporti hajmi 1,01 foiz kamaydi, importi esa 10,1 foizga o‘sdi. 2024-yilning yetti oyi davomida respublika tashqi savdo aylanmasi 36,8 milliard dollarga yetdi. Bu 2023-yil mos davridagidan 1,9 milliard dollarga (5,3 foiz) ko‘p. Mazkur o‘sish import hajmi keskin ortgani bilan bog‘liq. Xususan, tashqi savdoda eksport ulushi 14 milliard 786 million dollar bo‘lgan. O‘tgan yil mos davrida bu ko‘rsatkich 14 milliard 954 million dollarni tashkil etgan.
Joriy yil yanvar–iyul oylarida import ulushi 22 milliard dollarga yetgan. Taqqoslash uchun, 2023-yilning shu davrida import hajmi 20 milliard dollar bo‘lgan.
Joriy hisobot davrida mamlakat tashqi savdosida qariyb 7,3 milliard dollarlik defitsit shakllangan.
O‘zbekiston tashqi savdosining yuqori ulushi Xitoy (18,6 foiz), Rossiya (18,5 foiz), Qozog‘iston (6,2 foiz) va Turkiya (4,6 foiz) davlatlariga to‘g‘ri kelgan.